O “Libro da Memoria” é un Proxecto Integral e lonxitudinal no tempo (6
cursos de Ed. Primaria + 4 de ESO) que consiste, en liñas xerais, en:
1.- Realizar un libro dende cero, con follas en branco, polo alumnado de
1º de Ed. Primaria, facendo cada alumno/a a súa parte correspondente
durante cada curso académico. A medida, que se vai cubrindo (semana a
semana) se vai pasando entre os alumnos/as da mesma clase, e se expón para
que todos/as vexan o traballo que o/a anterior realizou.
2.- Este mesmo “Libro” se traballará cando este grupo esté en 2º de
primaria…(2020-2021) e irá subindo de curso con cada grupo. Á vez, no
curso que ven, se fará por primeira vez en 1º ed. Primaria do ano
académico 2020/2021…etc. e así sucesivamente.
3.- Cada alumno/a contará coa axuda da súa familia (en 1º e 2º curso) para
realizar as primeiras anotacións, e a medida que pasan os anos (e cursos
académicos) os alumnos/as serán máis autónomos sendo eles/as mesmos/as
quen o realicen de maneira íntegra nos últimos cursos.
4.- Se inicia coa presentación da/o profesor/a, poñendo datos persoais,
familiares (de 1º e 2ª liña, avós e bisavós se os ten) así como unha breve
explicación e/ou imaxe/s – debuxo/s do lugar onde naceu, onde vive, o
colexio…etc. Se lle pasa o Libro ao alumnado, e cada semana o leven para
casa (no “sobre viaxeiro”, “maleta viaxeira”, “cápsula do tempo”…), e
durante 2-3 días poder realizar: desta maneira en cada semana o levarán 2
alumnos/as-familias.
5.- A partir de aquí, o libro fai un percorrido en bucle polo alumnado
recollendo datos, e o importante en canto a Lingua: a nosa memoria
histórica Galega nas tradicións, escritos, cantigas, poemas, refráns,
contos… etc. e todo aquilo que aos nosos maiores (pais/nais, avós/avoas,
bisavós/bisavoas…) se lle acorde en cada data sinalada do curso escolar:
seguindo as celebracións máis importantes da nosa actualidade e de tempos
pasados.
6.- Sempre que se poida, é importantísimo, facer intervir a pais/nais, avós/as e bisavós/as… intentando
que eles/as, do seu puño e letra, escriban no noso “Libro da Memoria” pois
co paso do tempo nos quedará un arquivo dunha riqueza e importancia
cultural, literaria e lingüística insuperable, así como o
recordo de seres queridos cando xa non estean. Ademais de quedar
constancia da redacción, grafía e ortografía do alumnado e que ao longo
dos cursos, cada un/ha pode observar a súa propia evolución.
7.- Unha vez feito o traballo de cada alumno/a cando, se trae da volta á
clase; hai unha posta en común por
parte do alumnado co titor/a, na que (segundo o indique o titor/a).
8.- Datas sinaladas:
Inicio do curso escolar, Magosto, Samaín – Haloween,
Nadal, San Valentín, Entroido, Semana da Prensa e do Libro, Semana Santa,
Maios, Primavera – Poesía, Letras Galegas, Verán.
Así obteremos en cada aula, unha vez pase e remate o curso escolar, e
unha vez pasen os 6 anos de Educación Primaria, unha serie de tomos, libros, do
“Libro da Memoria” dos nados en 2013/2014, en 2014-15, 2015-16… etc. nun
documento que pasará á ESO e que durante os 4 anos seguintes de educación
secundaria, se pode seguir facendo, recollendo datos e vivencias para que ao
finalizala educación no colexio Ángel de la Guarda, cada promoción deixe o seu
legado cultural, lingüístico, de vivencias e experiencias familiares,
escolares, costumes… da nosa contorna, e tamén do noso alumnado.
MOITAS GRAZAS POLA VOSA COLABORACIÓN !
